VI. Limited Physical Properties of My Sculptures VII. Yng Cotchi Cung Mitsubishi VIII. Pate kareng Teritoryu IX. West Philippine Sea X. Yng estatua kung Tsina ampo pa ing Rusya VI. Limited Physical Properties of My Sculptures Peka-materialis cu kareng estatwa cu, Kabling bakal, Ampopang alambri, Gawamit cung Tansu, Aluminyu, Pundidung bakal, Ampopang Aseru. Potang kayi- Pinturan kula, Biyayan cula! Gamitanan kulang pinturang pang-Saken, Elamu basta pangkilub bale, Maliari lamu rin- Aldo't Uranan, Queng kilwal bale. Manibat angyang mica-Internet keni kekami, Karin cu aisip na- Alang permanenti tagana. Bisa cu't e Bisa, Reng estatwa ku, Mamilang cung mapilang dinalan a banua- Manga-disporma la, Kumupas la pintura. Lalu na nung pakyalaman dala – Panyaldak dala, Brusku dalang panalnan. VII. Yng Cotchi Cung Mitsubishi Kwanan ku ne ing kanakung estatua, Ini napa ing gamitan kung panakut kung obra, Ing canakung Mitsubishi GLXI, Model 1990 ya, Sariwa ya pa makina, Lampas 90,000 kilometru ya pa ing pilayan na. Mas makaba ya pa pilayan ing kekaming 2015 a Mazda. Basta gawang Hapon bilib cu, Alang duda, Quality la gawa. Kalupa da reng sasalwan kung nanu-nau king Japanese Surplus, Wa! Basura nala karela. Pero kekatamung Pilipinu alila, Quality la pa murin andyang luma la, Paniglon tala. Yng kontchi kung Mitsubishi, Bilib ku king makina na, Balang sasakeng ke, Manimadjin kung makasake king Jet Fighter. Pwera kareng kotchi, Sikat ya mu rin ing Hapon kareng eroplanu dang Mitsubishi. VIII. Pate kareng Teritoryu Mag Marsu na pala, Osimap mika-oras nakung kwanan ke ing kanakung estatua keng Tramu San Fernandu. Manga-paisip kumu, O bat mika- koneksyun la keng gyera reng a-iisip cu. Pauli siguru kareng ayayalben kung diskursu ampopang balitakeng Internet, Halus paksa makapa-tungkul kareng kada National security da- Kada Bangsa. Ali naman mismung Gyera ing isipan cu, Geopolitics ampopang amanu daring kada alben ku. IX. West Philippine Sea Aganaka ko reng aliwa kung gewa a makapa-tungkul keng panga-aliporis cu queng Kalalangan, Memag-public installation kung mapilan, patungkul keng Teritoryu tamu, keng West Philippine Sea. Meg-public Art Installation ku, Makapa-tungkul la kareng isla keng South China Sea- a tutu naming parti nala ning Bangsa tamung Pilipinas. Ginawa ku muring balamu bandera na ning Tsina, kaibat pepasilab ke king kabanda ku, kabang tutugtug kami banda keng Siudad Olongapu. Para kanaku agagampanan ku ing responsibilidad ku para apabaluan kula reng manakit kareng obra ku a eku buri ing gagauan naming Tsina, Kukwa yang teritoryu a enaman karela. X. Yng estatua kung Tsina ampo pa ing Rusya Uyni, Ikwa kune ing kanakung obra. Anyang disan ke king Museu, Makasapin ya kareng pala-pala- Sapak yang dinat ampopang alikabuk. Kalupa daring aliwa kung estatwang gagawan- Matibe la uning gawaa la king bakal, Ampopang pakabalut laking patung-patung a pinturang pang saken. Kalupa daring aliwa kung estatua, Normal lamung midinan alikabuk, Basan kula mung danum, Kaibat palangian mibabalik la postura.

I. Pebreru 2022 II. San Fernando Train Station Museum III. Yng Tsina ampo pa ing Rusya a Estatua IV. Metiorite V. Yng Sculpture cung Meteorite I. Pebreru 2022 Pebreru 2022, Aganakca que yng metung cung estatua, Dapat cu neng kuanan, Baiu ya pa manga-paroro, Ali sana. Pebreru 2022, Kuanan que king San Fernando Train Station Museum yng canacung estatua, Migluat ya mu ring migdatun karin, Paca-Aircon, Malaut ia king dinat ampopa keng alimum. Pebreru 2022, Aganakca que yng metung cung estatua, War machines lang balamu robot lang miyasawa. Metung a Babai ampopang metung a lalaki, Makasake la keng higanting robot a alakdan, Yng Tsina ampopa in g Rusya ing pamagat na ning canakung estatua. Pebreru 2022, Kuanan cu ne ing king San Fernando Train Station Museum yng canacung estatua, Cailangan cu neng kwanan uning magumpisa ne ing Construction na ning |Philippine National Railways carin. Cailangan cu ne mu ring kwanan ing kanakung obra- Uning midame ya ampopang milaco ya ing Storage Area na ning Museo- Pakalat-kalat ne mu ing ikanakung obra. Makabalandra ya, Sinapak neng alikabuk, Aldo't uranan ya. II. San Fernando Train Station Museum Himpilang Daang-Bakal ng San Fernando, Daang bakal, Mettalic road, Yng English cu, Mamilosipu. Atchu ia Karin ing metung kareng obra maestro cu, kumbaga, Matung caring Major works, Major works a statua cu. III. Yng Tsina ampo pa ing Rusya a statua Manibat angyang mica-Internet keni kekami, Pane cu nong gu-google deng alwang Bansang arena. Kalupa ne ning Pilipinas, Pare-parehu lang atchu keng Asya. Manibat anyang mica-internet keni kekami, Libri-libri cung mamasyal- karening adwang bansang areni. Yng C.G.T.N naning Tsina, R.T. news channel naning Rusya, Mapa queng website da o kareng Youtube channels da, Pane cung manalbe, Pakibaluan cu ing malilyari karela, Deng gawan da ampopang planu da. IV. Metiorite Queng Kapampangan, Taklang Batwin, Istung ilimbag me king lengguahing Tagalog, Filipino- Tae ng Bituin. Queng lengguahing Ingles, Star Shit. Manibat angyang mica-Internet keni kekami, Mangapanusignan cu buri keng pamanuklas, Keng canacung e milalakong Capanigluan. Mapanalbe kung nanu-nanung klasing Batu. Paniglon kula reng miyaliwa-liuang kule, Ampopang aske da, Miras keng punting mangolekta kung Batu. Lalu na reng “Metal Ores”. Batung mika- samut a nanu-nanung kalasing Bakal. Pati Batu-Balani ampopang Taklang Batwin. Pauli na siguru keng eskultur cu, Kaya buri kula murin salat ampopang, Pakibalwan cula tibe. V. Yng Sculpture cung Meteorite Anyang milabasang banua, 2019, Memasyal la ri ima cu- Queng San Fernando Train Station Museum, Edacu kayabe, Ila mu di uali kung babai, Ampopa reng adua ng anac. Kabira, Anyang dintang no quing bale, Eda ku inabisuan man, Dela de kauli- Yng Meteorite cung estatua. Ing sabi ng Ima cu dela ne ing statua cuuning ikit neng maka-kalat nemu keng Museu, Ing pakibat cu pota eman makakalat, Pota atin mung aliwang maka-exhibit, Pakibat ng Ima ku, “ali” Pota pauli ng ning magumpisa nalang magobra reng tiga- PNR carin, Kaya megdisisyun nakung kwanan ke ing estatua kung Tsina ampopang Rusya. - Don Reich de Chiron